Degenmen Japonııada Olımpıada ótkizýge degen qarsylyq kúnnen kúnge arta túsýde. Turǵyndar halyqaralyq jarystyń koronavırýs ınfeksııasynyń taralýyna sebep bolatynynan qaýiptenedi.
— Sportshylar men Japonııa halqynyń qaýipsizdigin qamtamasyz etýge qatysty josparymyzdyń bári eń nashar degen ssenarıılerge negizdelgen, - deıdi Halyqaralyq olımpıada komıtetiniń (HOK) vıse-prezıdenti Djon Koýts.
Ol «Olımpıada oıyndary Tokıodaǵy tótenshe jaǵdaıǵa qaramastan ótkizile bere me?» degen jýrnalıst saýalyna ol «Árıne, ótkiziledi» dep qysqa jaýap berdi.
Tokıodaǵy Halyqaralyq Olımpıada oıyndarynyń bastalýyna toǵyz apta ǵana qaldy. Bul jarys 2020 jyly ótýi tıis edi, biraq pandemııaǵa baılanysty oıyn bir jylǵa shegerilgen.
Japonııa koronavırýs indetiniń tórtinshi tolqynymen kúresip jatyr. Ekpe naýqany baıaý bolǵandyqtan, halyqtyń biraz bóligi Olımpıadany bıyl ótkizý josparyna senimsizdikpen qaraıdy.
